Емхана базасында шұғыл көмек көрсету дағдылары (BLS курсы) оқытылды

Емхана базасында шұғыл көмек көрсету дағдылары (BLS курсы) оқытылды. Аталған дағдылардың болуы жедел медициналық жәрдем бригадасы келгенге дейін қауіпсіздікті қамтамасыз етудің, төтенше жағдайларда өмірді уақтылы көрсетудің және құтқарудың қажетті шарттарының бірі болып табылады. Оқытуды жалпы практика дәрігері, аккредиттеу стандарттарының "көшбасшысы" Г.А.Бакубаева жүргізді.

Халықаралық стандарттар бойынша оқытылған қызметкерлер оқиғаның алғашқы минуттарынан бастап алғашқы көмек көрсете алады. Оқыту шағын топтарда манекен-тренажерда өткізіледі.

Бүгін емхананың әлеуметтік қызметкерлері егде жастағы тұрғындармен кездесу ұйымдастырып, мастер-класс өткізді

Бүгін емхананың әлеуметтік қызметкерлері егде жастағы тұрғындармен кездесу ұйымдастырып, мастер-класс өткізді.
Іс-шара барысында әлеуметтік қызметкерлер М.К. Асылбаева оригами техникасы бойынша қағаздан қолөнер бұйымдарын дайындауды және фетрден шағын сөмкелер жасауды көрсетсе, Омарова Э.М. есте сақтау қабілетіне оң әсер ететін ұсақ моторикаға арналған жаттығулар өткізді. Сонымен қатар, СӨС дәрігері Г.К. Орынбасар "денсаулық мектебі" сабағын өткізіп, "Атеросклероз және оның салдары" тақырыбында дәріс оқыды.
Біздің үлкен кісіліреміз, қызметкерлерге риза болып, алғыстарын білдірді.
Әр апта сайын жұма күні сағат 12.00-де 213-кабинетте пациенттерімізді көруге қуаныштымыз.

«Туберкулез және оның алдын алу» тақырыбында семинар өтті

2024 жылдың 22 қаңтар күні халық арасында туберкулездің алдын алу мақсатында Астана медицина университетінің 2 курс студенттеріне «Туберкулез және оның алдын алу» тақырыбында семинар өтті. Шара университеттің оқу ғимаратында өтті.
№11 қалалық емхананың салауатты өмір салты дәрігері Орынбасар Г.К. «Туберкулез. Оның таралу жолдары мен алдын алу» та0ырыбында мағлұмат берді. Жыл сайынғы профилактикалық (флюорографиялық) тексерулердің маңыздылығы атап өтілді. Студенттер өздерін қызықтырған сұрақтарын қойды: «Қанша рет флюорографиядан өтуге болады?», «Туберкулезден толық айығуға болады ма?», «Емдеу қанша уақытқа созылады?», «Туберкулез дәстүрлі әдістермен емделеді ме?» және оларға қанағаттанарлық жауаптарын алды. Семинар соңында студенттер ауа-тамшылы арқылы таралатын осы қауіпті аурудың алдын алу бойынша брошюралар алды.

Бүгін "Шарапат" әлеуметтік қызмет көрсету орталығында емханамыздың әлеуметтік қызметкерлері жалғыз тұратын қарттар мен мүмкіндігі шектеулі жандарға арт - терапия бойынша тренинг өткізді

Бүгін "Шарапат" әлеуметтік қызмет көрсету орталығында емханамыздың әлеуметтік қызметкерлері жалғыз тұратын қарттар мен мүмкіндігі шектеулі жандарға арт - терапия бойынша тренинг өткізді. Ынтымақтастық үшін орталыққа алғысымызды білдіреміз. Қатысушыларға зор денсаулық, сарқылмас қуат және ұзақ ғұмыр тілейміз.

Елордадағы қызылша бойынша шиеленісті эпидемиологиялық жағдайға байланысты емханамыздың инфекционист дәрігері Г.Д.Искакова әріптестеріне "Қызылша

Елордадағы қызылша бойынша шиеленісті эпидемиологиялық жағдайға байланысты емханамыздың инфекционист дәрігері Г.Д.Искакова әріптестеріне "Қызылша. Клиникалық ұсыныстарға шолу" тақырыбы бойынша дәріс оқыды.

2024 жылдың басынан бастап Астанада қызылшаның 366 бастапқы және 137 расталған жағдайы тіркелген, оның ішінде 14 жасқа дейінгі балалар арасында 100 жағдай.

Гүлнар Досболова тыңдаушыларға балалар мен ересектердегі қызылшаның барысы, дифференциалды диагностика әдістері, сондай-ақ емдеу принциптері мен осы аурудың алдын алу шаралары туралы айтып берді.