Үстіміздегі жылдың 26 қаңтарында қалалық Денсаулық сақтау басқармасының басшысы Надыров Камалжан Талғатұлы №11 қалалық емханаға жұмыс сапарымен барды.
Жұмысты тексеру барысында Камалжан Талғатұлы құрамында 18 аймағы бар, олардың 2-і педиатрлық болып табылатын ЖТД бөлімшесінің жұмысымен танысты.
Емхананың жұмысымен танысу барысында 12 кереуеті бар күндізгі стационардың жұмысы тексерілді. Мұндағы барлық кереуеттер талап етіледі.
Басқарма басшысы дәрігер акушер-гинекологтардың жұмысына ерекше көңіл бөліп, дәрігерлермен жеке әңгімелесті. Бүгінгі таңда емханада 420 шақты жүкті әйелге қызмет көрсетіледі.
Сондай-ақ, денсаулық сақтау басқармасының басшысы рентген кабинетте болып, ондағы Жол картасы шеңберінде алынған жаңа сандық рентген-диагностикалық құралдың жұмысымен танысты. Одан соң басқарма басшысы Денсаулық сақтау министрінің азаматтарды ТМККК шеңберінде тегін және жеңілдікпен берілетін медициналық дәрі-дәрмектермен және ММБ-мен қамтамасыз етуге арналған бұйрығы бойынша ашылған дәріханада болып, ондағы бар дәрі-дәрмектердің ассортиментін көрді, пациенттермен әңгімелесті және дәрі-дәрмектердің түсуі жөнінде түсініктеме берді.
Жұмысты тексеру барысында Камалжан Талғатұлына «Ақниет» қоғамдық қорының қолдауымен жабдықталған босануға дайындық және отбасын жоспарлау Мектебінің кабинеті көрсетілді.