Бүгін "№11 Қалалық емханада" тіркелген халық арасынан пациенттер кеңесінің кезекті отырысы өтті.
Жиналыс барысында Комиссия мүшелері атқарылған жұмыстар туралы ақпарат алмасып, емхана қызметінің әлсіз және күшті жақтарын атап өтті, сондай-ақ Кеңес құрамына жаңа белсенді пациенттерді тарту мәселелерін талқылады.
Естеріңізге сала кетейік, тіркелген тұрғындарға медициналық көмектің сапасы мен қолжетімділігін арттыру, сондай-ақ емхананың қызметін жақсарту мақсатында пациенттер кеңесі құрылған болатын.
Кеңестің негізгі міндеті медициналық көмек көрсетуді ұйымдастыруды жақсарту жөніндегі мәселелерді қарау процестеріне қатысу, олар бойынша ұсыныстар дайындау, сондай-ақ қабылданған шешімдердің орындалуын сүйемелдеу болып табылады.