ВОП-3 қызметкерлері үшін тренинг өткізілді
- Толығырақ
- Жарияланды 08.07.2025 17:06
- Қаралды: 2
ВОП-3 қызметкерлері үшін тренинг өткізілді
ВОП-3 бөлімінің қызметкерлері үшін “Эмоционалды күйіп кетудің алдын алу” тақырыбында тренинг өткізілді. Шараның басты мақсаты – медициналық қызметкерлерге кәсіби қызмет барысында жиі кездесетін эмоционалды күйзелістердің алдын алу жолдарын таныстыру, күйіп кету белгілерін ерте тануға және өз-өзін қолдауға үйрету болды.
Тренинг барысында қатысушылар күйіп кетудің негізгі белгілерімен танысып, оның адам психикасы мен денсаулығына әсері туралы мағлұмат алды. Энергияның таусылуы, жұмысқа қызығушылықтың жоғалуы, ашушаңдық пен немқұрайлылық сияқты белгілер кәсіби қызметке ғана емес, жеке өмірге де кері әсер ететіні атап өтілді.
Практикалық бөлімде тыныс алу жаттығулары, қысқа релаксациялық техникалар мен күйзелісті басқару әдістері көрсетілді. Сонымен қатар, қатысушылар өз тәжірибелерімен бөлісіп, жағымды эмоциялар мен ресурс көздерін табу жолдарын бірге талқылады.
Тренинг соңында әр қызметкер өзіне демалысты жоспарлау, физикалық белсенділікке уақыт бөлу, күнделікті тынығу сәттерін енгізу сияқты пайдалы дағдыларды қалыптастыру керектігін атап өтті.
Мұндай шаралар ұжым ішіндегі психологиялық ахуалды жақсартып, қызметкерлердің кәсіби өміріне оң әсерін тигізетіні сөзсіз.
Жас ана мектебі: “Жүктіліктің физиологиясы” тақырыбындағы сабақ
- Толығырақ
- Жарияланды 07.07.2025 17:08
- Қаралды: 2
Жас ана мектебі: “Жүктіліктің физиологиясы” тақырыбындағы сабақ
Босануға дайындық бағдарламасы аясында аға акушерка Зилгараева Женисгуль Дисембаевна және психолог Курмангужина Гульнара Адылхановна болашақ аналарға арналған тұрақты сабақтар өткізеді. Сабақтарда жүктілік кезінде әйел ағзасында болатын физиологиялық өзгерістер, гормондардың, ағза мүшелері мен жүйелерінің қалай өзгеретіні және бұл өзгерістер сәбимен кездесуге қалай көмектесетіні туралы кеңінен айтылады.
Сабақ барысында бақытты босануға арналған аффирмацияларға – маңызды сәтке сенімділікпен дайындалып, табысқа жетуге көмектесетін жағымды ойларға ерекше көңіл бөлінді. Себебі ананың ішкі тыныштығы мен сенімділігі – сәтті босанудың кепілі!
Жас ана мектебінің әр сабағы болашақ аналардың өз денесінде болып жатқан үдерістерді жақсы түсініп, бұл ерекше кезеңде өзіне қамқор болуына бағытталған.
Мектеп лагерінде мектеп мейірбикесі Муслима Серікқызы Сатыбалдина жазғы қауіпсіздік тақырыбында профилактикалық әңгіме өткізді
- Толығырақ
- Жарияланды 02.07.2025 19:15
- Қаралды: 11
Мектеп лагерінде мектеп мейірбикесі Муслима Серікқызы Сатыбалдина жазғы қауіпсіздік тақырыбында профилактикалық әңгіме өткізді.
Балалармен маңызды тақырыптар талқыланды:
- суға шомылу кезінде қауіпсіздік ережелері,
- күн өтуінің алдын алу жолдары,
- жолда жүру ережелерін сақтау.
Пайдалы, қызықты әрі достық атмосферада өтті — балалар белсенді қатысып, қызығушылықпен тыңдады!
Анонс! Астана қаласы әкімдігінің "№11 қалалық емхана" ШЖҚ МКК қызметіндегі сыбайлас жемқорлық тәуекелдеріне ішкі талдау нәтижелерін жария талқылау туралы
- Толығырақ
- Жарияланды 30.06.2025 14:12
- Қаралды: 18
Астана қаласы әкімдігінің "№11 қалалық емхана" ШЖҚ МКК, "Сыбайлас жемқорлықтың алдын алу және оған қарсы іс-қимыл" №4 ТБН жобаларын орындау жөніндегі нұсқаулыққа сәйкес, емхана қызметіндегі сыбайлас жемқорлық тәуекелдеріне ішкі талдау нәтижелерін жария талқылауды өткізуді жоспарлап отыр.
Астана қаласы әкімдігінің "№11 қалалық емхана" ШЖҚ МКК қызметіндегі сыбайлас жемқорлық тәуекелдеріне ішкі талдау екі бағытта жүргізілді:
1) Астана қаласы әкімдігінің "№11 қалалық емхана" ШЖҚ МКК қызметін қозғайтын нормативтік құқықтық актілерде сыбайлас жемқорлық тәуекелдерін анықтау;
2) Астана қаласы әкімдігінің "№11 қалалық емхана" ШЖҚ МКК ұйымдастыру-басқару қызметінде сыбайлас жемқорлық тәуекелдерін анықтау.
Осыған байланысты, барлық ниет білдірген тұлғалардың осы талқылауға 07.07.2025 жылы сағат 16:00-де қатысуларын сұраймыз. Астана қаласы, Абылайхан даңғылы, 30 мекенжайы бойынша, 2 қабат (мәжіліс залы).
Көпшілік талқылауға қатысуға ниет білдірушілер 8-747-650-35-70 телефоны арқылы хабарласа алады.
Отбасын жоспарлау — саналы қадам
- Толығырақ
- Жарияланды 25.06.2025 19:20
- Қаралды: 16
Отбасын жоспарлау — саналы қадам
Отбасын жоспарлау — дені сау ұрпақ әкелудің, ананың денсаулығын сақтаудың және өмір сапасын арттырудың маңызды жолы.
- Жүктіліктің оңтайлы арасы — 2–3 жыл
- Ең қолайлы жас — 19–35 жас
- Алдын ала дайындық — зиянды әдеттерден арылу, дұрыс тамақтану, фолий қышқылын қабылдау
Контрацепция әдістері (мүшеқап, жатырішілік спираль) — қалаусыз жүктіліктен және жыныстық жолмен жұғатын инфекциялардан қорғайды.
№11 қалалық емханада “Отбасын жоспарлау” және “Жас аналар” кабинеттері жұмыс істейді.
Білікті кеңес алыңыз — бұл өзіңіз бен болашақ балаңыздың денсаулығына жасалған ең дұрыс инвестиция!